الجمعة، 26 فبراير، 2010

وقفه ثم نستكمل المسير

لا ادرى لماذا تنتابنى رغبه ملحه فى الوقوف مع ذاتى

مراجعة حياتى بكامل تفصيلها

لديا رغبه فى فتح دفاترى المغلقه

فى عمل كشف حساب

فى اعادة التفكير فى قراراتى المصيريه

محاولة الالتفاف من الواجهة الخلفيه للأحداث

محاولة رؤية كل ماله علاقة بحياتى من شباك الجيران

ارغب فى الحكم على الامور من كراسى المتفرجين

من منا قراراته الصحيحة اكثر من خطاياه ؟!!

كلنا ذو خطأ هكذا قالوا من قبل

دراسة علاقتى بأصدقائى

دراسة علاقاتى العمليه

دراسة علاقاتى الإنسانيه

التمعن فى ذاتى

فى حياتى.

  الاشخاص لدى اربع فئات

الاهل والأصدقاء والزملاء

و اساتذتى " معلمين ,ادباء , مدونون , وملهمى فكر "

علاقتى بالأهل هى الافضل فى حياتى

علاقاتى بزملائى فى العمل لأنها مبنية على التنافس وغالبا على الاستغلال والوصولية فهى الأسوأ

اصدقائى هم الواحه التى اهرب اليها  الماء السلسبيل والخضرة والقلوب البيضاء

اساتذتى …… فى مراحل التعليم لا انسى من علمنى وشد على يدى ودلنى على طريقى

ادبياً اساتذتى هم كل من قدم احساس قلب  قبل ان يكتب كلمه

قصصيا يمكننى ان اذكرهم بالأسماء فهؤلاء لهم فضل كعبد الوهاب مطاوع  وسهى ذكى

و الاخيره لها مكانه خاصة لدى فكلماتها بها خصوبة ارضنا المصريه وعافية فلاح وبسالة مقاتل وصبابة عاشق ونعومة الحرير ورقة الفراشات وحرية نسر فى عنان السماء

فى حياتى مفرق طريق وشاطئ بحر وحافة جبل وجرف هارى

فى حياتى قنديل وقمر وشموس ونجوم

فى حياتى مبخرة الصوفى وأقلام ادريس وأوتار عشق

فى حياتى انامل ذهبيه تدق على اوتار القلب

فى حياتى عينان يرمقانى لا يدعونى اهرب منهم هم سكنى و مرساتى

فى حياتى فاطمة العشق ريحانة قلبى ونسيم العصارى

فى حياتى رغبه أكيده فى ان اقف قليلا لكى استمر 

هناك 14 تعليقًا:

الملاك الحزين يقول...

السلام عليكم
ازيك ياقمر أخبارك ايه بجد وحشتنى كتير جامد اووى خالص
كل سنه وحضرتك طيب بمناسبة المولد النبوى الشريف ويارب يجعل ايامك كلها حب فى حب ويسعدك يارب

الملاك الحزين يقول...

يااااااااااه بجد هتقدر تبعد شويه لو أنت هتقدر أنا بقا مش هقدر يا عصام
أنت غالى بجد عليا أووى على قد ما أنا مبسوطه انك فاكر كل الناس الجميله دى أصحاب الفضل عليك فى مسيرة حياتك بجد انت شخصية جميله اووى ومبسوطه انى عرفتك ويارب تفضل منور معانا كده ويارب يبعد عنك اى شر او حزن او قهر واشوفك احسن انسان بالدنيا كلها يا غالى
منتظراك وعارفه انك مش هتغيب كتير
وهاجى اطمن عليك كل شويه
وان شاء الله تعالى اللى جايا اكيد احسن من اللى راح
بالله عليك مش تغيب
تحياتى
ايناس

☼♫♪ عمــاد الدين يــوسف ☼♫♪ يقول...

اخي الكريم عصام الدين

من الطبيعي جدا ان نهادن الصراع من حولنا لوقت ، نلم فيه شتاتنا ونعيد رسم خرائطنا
، فكرة التوقف للاستمرار ، هي جوهر الحياة الهادفة ، التي تفرقنا عن الدواب الهائمة على غير هدى

تحياتي

hana يقول...

دي وقفة ولا رحيل عصام

بجد مش ممكن تسيبنا كدة وتمشي
وإذا إنت هتقدر بجد أنا مش هأقدر
إحنا كلنا مش هنقدر

إنت صديق كنت سعيدة جداً بوجودة بجد في العالم بتاعي حقيقي صعب أوي تسيبنا وتمشي

بلاش الوقفة دي عشان جواها بعد عن التدوين بجد ليه عاوز تبعد

اتمنى تغير قرارك وتخليك ويانا
الناس الجميلة قليلة أوي وصعب البعد عنها وانت مالناس دي

إذا إحنا إخواتك واصدقائكـ وغاليين عليك خليكـ

وإذا في حاجة مديقاك أكيد ان شاء الله هتبئا اوكي

بس بلاش تغييييب عنا عصام

أنا بجد حاسة زعلانه مالقرار ده

سهــى زكــى يقول...

ما أجمل واروع ان يكون الانسان بهذا الوعى لان يقف مع ذاته ليقرر الى اى مكان وزمان وحياة وصل اليها وهل هى ماكان يريدها ام لا ـ ما اروع ان تخرج افكارك منك لتتحرر وتستدعى افكارا اخرى اكثر حرية ، اوافقك على ان تقف مع نفسك وقفة حقيقية فهى مهمة خاصة الان فهذا وقت لا يمكن ان تتجاهل فيه اهمية وجودك او لنقل التأكد من أهمية وجودك ومن الافضل كثيرا ان تشارك احبائك فى سجالات روحك اذا كنت ممن تجيد مشاركة الاخرين الآلم، صديقى العزيز عصام الدين اشكر لك كل هذه المحبة الصادقة والتى تساهم فى اسعادى وامدادى بطاقة دائمة ولا يمكن ان انكر انك وقود طاقة مشتعلة لكل من حولك ، اشكرك فعلا وكل ما اطلبه منك الا تطيل الوقفة امام المراة لمراجعة نفسك حتى لا تصل الى احد امرين اما الجنون او الاختفاء وفى الحالتين انت لن تسعد .. لن تسعد الا بكل ما ذكرت من اسباب تبهجك
شكرا للمرة المليون لجمالك

فشكووول يقول...

جميل يا عصام الفكره دى بعيده عن ثقافتنا وبعيده عن مشاعرنا

الواحد اما يبقى فى المشكله بيبقى متوتر ومشدود ومش عارف يفكر صح
لكن اللى بعيد ومن شباك الجيران فعلا ممكن يشوف الوضع كويس

وهى دى بالضبط فكرة وجهة النظر الاخرى
ان تضع نفسك فى المكان المقابل لك وتفكر بعقلية الاخر

يا ريت كلنا نكون كدا

تحياتى

هبة النيـــــل يقول...

كثيرا ما تحتاج منا الحياة إلى وقفات

وتفكير

ورؤيات مختلفة

ويا حبذا لو حاولنا أن تكون رؤية من بعيد كما قال عمي فشكول

أعانك الله على هذه الفترة

ورزقك خيرها


كان لي مقال فعلا تحدثت فيه عن "دراسة النفس" فهي حقا تحتاج للدراسة :)

عصـــــــــــام الــــديــن يقول...

ابتسامة ملاك
أيناس الجميله الحبوبه كل عام وانت بالف خير .....وقفتى مع ذاتى هى وقفة تامل ووقفة مراجعه ... بحياتنا أشياء كثيره جدا تحتاج منا للتفكير . لانها شئنا أم ابينا سوف تؤثر فى مسار حياتنا ......
السؤال المسيطر على تفكيرى حاليا هو : قراراتنا المصيريه هل اتخذناها على أساس اهواءنا ام بتفكير منطقى ربما يختلف مع رغباتنا العاطفيه ؟
محاولة تمرير مرحله عمريه انتهت على مجموعة من المبادئ والقيم ومعرفة مدى ملائمتها
هل قيمنا واخلاقياتنا مجرد برتريهات نضعها على الجدران للزينه ام انها قوانين صارمه تحكمنا؟
وياسيدتى الجميله : ربما نعود منها بفوائد تغير مسار حياتنا
دمت لنا رائعه مبدعه ياصديقتى العزيزه

عصـــــــــــام الــــديــن يقول...

صديقى العزيز عماد الدين يوسف
معك كل الحق ياصديقى فالتوقف للاستمرار هدفه تعديل المسار او الاندفاع الى الامام بكل قوه حال اثبات صحة قراراتنا.
اعتز جدا باتفاقك معى فى قرارى
وانتظرك دائما رفيقا على الدرب
تحياتى

عصـــــــــــام الــــديــن يقول...

هنا
فراشة التدوين وريحانة المشاعر الرقيقه
لا ياسيدتى ليست برحيل ولكنها لحظة صفاء احب ان اختلى فيها بنفسى ربما تكون ساعة واحدة قبل صلاة الفجر وربما تستمر ايام عديده . هى لحظه اعادة شحن بطارياتى للاستمرار
لكن اعدك انى لا اتوقف عن التدوين لانه اصبح جزء لا يتجزء من عصام
اطلب فقط منك الدعاء ان ترسى السفينه على ضفاف الحق
تحياتى ياغاليه

عصـــــــــــام الــــديــن يقول...

سهى ذكى
سيدة الوفاء واميرة الحكايات
الملهمة التى اشعلت بداخلى الرغبة فى ان اجد نفسى .احاولت جاهدا كل ليله قبل صلاة الفجر ان اجلس مع نفسى ساعة للتامل لكن ياسيدتى هناك قمر يتوسط ملاين النجمات يخرج عليا ليخطفنى ولا يتركنى الا وقد نسيت ما كنت اريد.
اعتز جدا بهذا القمر واعتز جدا بانى اصبحت تابع ادور فى فلكه الفكرى
ليس هذا نوعا جديد من الغزل الصريح
لكنه الاعتراف بالفضل الذى اجده يغمرنى من جميع الجهات
بخصوص الوقوف امام المرأه أخبرتنى جدتى قديما بان من يقف امام المرأة كثيرا يصاب بالجنون .... ولذلك اخشاها جدا ..واعدك ان لا أطيل الوقوف
شكرا جدا لمرورك

عصـــــــــــام الــــديــن يقول...

عمنا فشكووول
شرفتنا ياعمنا والله انا متاسف ان عطلت سعادتك عن شئون الدوله الفشكوليه ويارب تعتبر مدونتى الصغيره دى منتجع سياحى للاستجمام من مشاغل الحكم ومظاهرات المدونين العاشقين لشخصكم الكريم واعدك بخدمه سبع نجوم
اعتز جدا باتفاقك معى فى الراى ويارب ديما
شكرا لمرور سعادتك
واطال الله عمر معاليك من اجل الشعب المسكين

عصـــــــــــام الــــديــن يقول...

هبة النيل
اولا شرفتى مدونتى المتواضعه ويارب تنال رضاكى
كلامك صحيح ياهبة لابد من وقفات تفكير لكى نرى الموضع الذى سوف نضع فيه قدمنا على درب الحياه
وتقبل الله دعائك
ويارب ديما تشرفينا وتنورينا
شكرا جزيلا
تحياتى

hana يقول...

بونسواااار

ياربي بجد سعيدة انه مش رحيل
وسعيدة كمان بالبوست الجميل اللي
منور المدونة
كان لازم أقول الاول وبعدين أروح أرد هناك
حاسة الكلام لازم يطلع ههههههه
ربنا يوفقكـ
و يارب دايماً منور صديقي الغالي