الثلاثاء، 6 يوليو 2010

ع الترعه ….. خواطر

w6w_2006010208210112673d1dd5378

1

فى المساء

وقبل انكسار الشمس

وقبل قدوم الظلام

جنب ساقيتنا القديمه

مع الترمس وكوزين الدره

سألنى حبيبى كام سؤال

انت بتحبنى ليه ؟

طيب ارد عليه بأيه؟

اسكت شويه وافكر

تلاقينى عمال بفكر

تفتكرنى مش هرد

قبل ما انطلق بالجواب

كان سؤاله التانى جاى

ضفت لحياتك جديد؟

اضحك غصب عنى

والخجل يعقد لسانى

واهرب ما تلقيش جواب

912777189630160371

2

على جسر الترعه وأنا قاعد

وبمصمص فى عيدان القصب

وبعاكس فى صبايا البلد

وقليل ما اساعدهم على شيل الجره

أسأل نفسى أنا مين؟!!

أتذكر إنى من البنى ادمين

فقير ممكن لكنى أصيل!!

اتذكر حكايات وحكاوى

وناس ووشوش

أحاول أتذكر نفسى مافيش

hume315

3

على مصطبة الدار

تحت تكعيبة العنب

ونسيم العصارى بيوشوش اوراق الشجر

وشوية شاى بالنعناع فى الخمسينه

وعيون حلوه بريئه

بتحضنى برموشها

وطفل صغير بيلعب جنبى

ويقولى ياخالو

وست الكل بتمسح بايدها على شعرى

ااااااه

حلم جميل سرقاه الغربه منى

وسرقانى

هناك 13 تعليقًا:

mrmr يقول...

على جسر الترعه وأنا قاعد وبمصمص فى عيدان القصب وبعاكس فى صبايا البلد

جميله قوى القاعده على جسر الترعه وكمان فيها قصب !!
ومعاكسه !!
هههههههه

سلمت الايادى

جنّي يقول...

السلام عليكم

صورة وصفية جميلة وكلمات بسيطة اجمل ..

صورة من الزمن الجميل ..

Story pain يقول...

قصيدةجسدت صورهاأمامناالماضي.. تقطر حروفها حنيناً له
حنيناًيصل بناإلى مداه في هذه الأبيات عندما ندرك عجزنا ليس فقط عن استعادة الماضي بل واستعادة أنفسنا التي فقدناهايوماًبه....

أسأل نفسى أنا مين؟!!
أتذكر إنى من البنى ادمين
فقير ممكن لكنى أصيل!!
اتذكر حكايات وحكاوى
وناس ووشوش
أحاول أتذكر نفسى مافيش


ننتظر المزيد من كلماتك المؤثرة بدفئها وبساطتها..

داليـ ـ ـ ـ ـ ـ ــــا يقول...

هههههههههه

جميله اوى الخواطر دى

بس مردتش على اسئلة حببتك
عايزين نعرف الاجابه
ضرررررررورى
ههههههههههه

الحلم بكره بإذن الله هيتحقق
وترجع بالسلامه وتحقق كل احلامك بإذن الله

خالص تحياتى أستاذ عصام

essameldin يقول...

mrmr
الصديقه العزيزه
حقا انها حلم الجلوس على الترعه فى الريف المصرى الجميل
حكاوى المصطبه واللمه والتجمعات
الطيبه حد السذاجه والذكاء حد الدهاء
وبنات الريف وماادراكى بصبايا الريف
ههههههههه

دمتى بكل خير

essameldin يقول...

جنى
صديقى العزيز
اشكرك كثيرا
ومازال الزمن الجميل يرسى ظلاله على ريفنا الجميل
العصارى والنسيم والفلاحين
شعورك بالكلمات ينم عن قلب طاهر واحساس عالى
اشكرك كثيرا

essameldin يقول...

story pain
اشكرك جدا على مرورك الاول هنا
واهديكى هذه الكلمات للرائع احمد منيب


مشتاقين يا ناس للبيت
لنبع الحبايب
لبلاد النخيل و الغيط
ع العمر اللى غايب
للحب الكبير
و الشوق الكتير
مشتاقين يا ناس
لبلاد الدهب

مشتاقين يا ناس
لبلاد الدهب


كبر الشوق جوّا القلب
كان لسّا فى حضن الحب
كبر الشوق جوّا القلب
كان لسّا فى حضن الحب
خدنا و مشينا و الأيام خدتنا
خدنا و مشينا و الأيام خدتنا
رحلة .. عودة ... رحلة .. عودة
ناويين اننا راجعين
يا بلادى و مشتاقين
ناويين اننا راجعين
يا بلادى و مشتاقين
مشتاقين يا ناس
لبلاد الدهب
نادرين لما نرجع تانى
لبلاد الجمال الربانى
نادرين لما نرجع تانى
لبلاد الجمال الربانى
جوّا البيت هنزرع نخلة
تطرح خير و تعمل ضلة
جوّا البيت هنزرع نخلة
تطرح خير و تعمل ضلة
و العصافير .. و العصافير تلقّط غلة
فى الحوش الكبير و الرملة
جار الساقية فى العصرية
نحكى حكاوى
و الأفراح هتملى
الناحية ويّا غناوى


اشكر جدا

واشكر احساسك بالكلمات

essameldin يقول...

داليا هانم
منوره المدونه البسيطه

بصى بقى ياستى
من غير كدب والله فاطمه -حبيبتى وخطيبتى وكل حاجه حلوه فى حياتى- خمسه وخميسه الاول- سألتنى السؤالين ولقيتنى تايه .... هى الاجابه سهله قوى لكن الرد كان صعب جدا تعرفى بللمت

يمكن احساسى بيها عالى جدا لكن الاجابه محتاجه كتب علشان نكتبها وممكن كلمه واحده بس تختصر الاجابه

قولتلها بحبك
بس اول مره احس الاحساس دى بالكلمه اتضح لى ان الكلمه دى فيها سحر غريب بتتشكل حسب الحاله الوجدانيه والعاطفيه

خلاص صديقتى العزيزه هو دى اللى حصل

بلاش بقى فضول

منوره الدنيا
ويارب ديما تسعدينا بطلتك
تقبلى تحياتى

باحث عن حب يقول...

السلام عليكم
اولا انا زعلان
من تركك لمدونتك الاولى
بس انا مش عاوز حضرتك تعيد
الموضوع ولك الحريه طبعا فى قراراتك
ثانيا
كلاماتك
جميله
يا استاذ عصام
وبالفعل
انت راااااااااااااااااااااائع
فى كلمات

نرجوا من حضرتك
الابداع والكتابه
وعدم الانقطاع
مهما كانت الظروف
يارب
يبارك
فى حضرتك

essameldin يقول...

محمود(باحث عن حب)

صديقى العزيز
اشكرك جدا
نعم صديقى اخطات عندما اغلقتها واعدك ان اعود من جيد
اشكرك جدا على كلماتك الجميله الرقيقه
واشكر حضورك
تقبل تحياتى

موجة يقول...

مهندس عصام
التدوين ده لكل الناس وعمر حد ما بيعاقب حد عشان بيكلم او بيعلق عند حد وبلاش كده يابن بلدى
بلاش يعنى يكون قلبك اسود كده
اما بالنسبة للبوست فانا مش هكدب عليك انا قريت 1 و 2 بس
بس هكمل انشاء الله قرايه لما ابدا اركز لانى بجد مش مركزة خالص ونفسيتى تعبانة مش قادرة خالص لا اقرا ولا اعلق

essameldin يقول...

موجه
المهندسه عبير
بنت بلدى الطيبه
يارب دايما تكونى بكل خير
انا قلبى ابيض ذى الفل والله وعمرى ماشلت من حد حتى اللى بيظلمنى واللى يؤذينى بحس بنشوة الحب وانا ماليش اعداء ولا مخاصم حد

لكن ياصديقتى انت الشاهد الوحيد على ماحدث من تعليقات مشينه

لا بلاش نخوض تانى فى المشاكل خلينى انسى

نورتيى مدونتى البسيطه
ويارب دايما بكل خير

فاروق سحير ( فاروق بن النيل ) يقول...

عصام الدين .....
رمضان كريم وكل سنة وإنت طيب
تصويراتك رائعة نابعة من الطبيعة الخلابة فلابد أن تكون ممتعة وشيقة سلمت يداك التى أضافت وأضاءت الطبيعة بهمسات
الحقيقة والخيال دمت صديقى