الاثنين، 12 أكتوبر، 2009

على مصطبة شيخ البلد 4

من اين لك هذا ؟

مخيمر: قبل ما تبص  وتملى عيونك بجماله  صلى على النبى ?

مخيمر : ايه رأيكم فى العربية الجديدة ؟؟؟ 

سعداوى :عربيه حضرة العمده  عربيه ماركة بى ام جحش    

 1

ابوالمعاطى : طيب ممكن أسال سؤال ؟

سعداوى : قول يا ناصح

ابوالمعاطى: يا ترى الحمار دى مصدره ايه ؟ يعنى من اين لك هذا ؟

 سعداوى : زمان سمعنا  ان العمده كان بيقفل صناديق انتخابات مجلس الشعب فى بلدنا لصالح ناس تانيه ويساومهم

مخيمر : يعنى ايه ياوااااد؟

سعداوى : -بعد ما اتعدل فى قعدته-  يعنى مره ياخد ارض مبانى فى وسط الكتله السكنية ومره ياخد ارض زراعيه  فى اجود اراضى البلد ومره يستولى بوضع اليد على اراضى وأملاك الدوله وطبعا  الاراضى المملوكه للدولة هى حق مشروع لعائلة العمده بس او اى حد العمده يكون راضى عنهحنظله 2

مخيمر: يا سنه كوبيه يااوااااااااد بلاش فلسفه هتودينا فى داهيه

سعداوى : على فكره انا  بقصد العمده  بصفته  وما بقصدش اى عمده بالاسم

مخيمر : ايوه اخلع منها بعد ماولعت البلد

سعداوى : واللى على راسه بطحه يحسس عليها 

ابوالمعاطى بيهرش فى راسه فوق الطاقيه :طيب حذر فذر الحمار ده مصدره ايه؟  

هناك تعليقان (2):

حسن ارابيسك يقول...

واحد من الناس
أحسدك على موهبتك الرائعة وقدرتك في تأطير مقالاتك بفكرة بسيطة ولكنها تنقل كل ابعاد الفكرة والموضوع الذي تتناوله بإقتدار وتتجه دوماً بفكرتك وبلغتك صوب الإتجاه الصحيح وتصيب تدوينتك هدفها بكل براعة
على جنب كده
الحمار حيوان جميل أكن له كل تقدير وحب وإحترام لذلك يحزن قلبي عندما أرى اي شخص يهينه من صعاليك أبناءالمدينة
تحياتي
حسن أرابيسك

عصـــــــــــام الــــديــن يقول...

عمى حسن
دى كتير عليا الكلام الجميل دى
تصدقنى لو قلت لك انى عملت المدونه مخصوص علشان تكون كل تدويناتها من نفس هذه العينه ان تصبح رسايلها طلقات تصيب مغتصبى حقوق الغلابه فى مصر لكن منعتنى عنهم الغربه
لكن لكل ظالم يوم
تحياتى