الثلاثاء، 13 أكتوبر 2009

على مصطبة شيخ البلد 5

نيلنا ولا نيلهم ?!!      الله ينيلهم بنيله   296-91

  • امبارح  فكرت اسهر قدام التلفزيون  وأتفرج على منى الشاذلى  لكن سرقنى برنامج تانى منها  البرنامج كان مستضيف د.م / ممدوح حمزه
  • بصراحة ما اقدر تش اهرب منه لأنه كلام مهم جدا  وخطير جداً  بيتكلم عن مياه النيل وسدود اثيوبيا ومخططات صهيونيه  للسيطرة على  مياه النيل
  • انا بصراحه غير مقتنع  ان اهداف اسرائيل  استغلال المياه  وتوجيهه لبلادهم اصله كلام مايدخلشى العقل  لكن اعتقد ان الهدف  هو الاضرار  بمصر بأى طريقه ممكنه يعنى اعلان حرب  بس من نوع تانى
  •  عندنا فى الفلاحين  لو واحد فكر يقطع ميه عن ارض جاره ممكن يروح فيها ناس كتير وتبقى حرب  طيب ليه احنا فى مصر عجزين عن ادراك حنظله 2حجم المشكله؟  وما فهمناش الاهداف  الخبيثة من سدود  اثيوبيا ؟
  • يعنى يا ناس الترعه بتاعتنا  ماهيبقاش فيها ميه  وماعدتش هقعد عليها تانى؟  يعنى الخضرا والزرع  وشجر التوت والصفصاف  وكل دى  ماهيبقاش موجود على الترعه؟؟
  • بالله عليكم  هتبقى مصر دى  مصر  ؟؟؟
  • كفايه كده  لانى بجد قرفان

هناك تعليقان (2):

حسن ارابيسك يقول...

هو بالفعل موضوع في غاية الخطورة
ومش عارف ياترى القيادة عندنا نايمة في العسل ولا عامله حساب لكل ما يُدبر لنا في أعز شئ تمتاز به مصر ويعتبر بمثابة الروح في الجسد
تحياتي
حسن أرابيسك

عصـــــــــــام الــــديــن يقول...

حسن الاخ والصديق
هو بجد الموضوع خطير جدا لكن الموضوع اكبر من ان نتركه على عاتق الدوله فقط
محتاج تكاتف مننا جميعا
محتاج ننشر راينا للعالم كله
محتاج لوجود دوله جديده اسمها دولة وادى النيل مصر والسودان
محتاج للمصرين بجد
تحياتى